ІЗДЕНІС

Жыл мұғалімі -2016

Айнур — Mon, 25 Apr 2016 18:26:01 GMT

22 сәуір күні Исатай аудандық білім бөлімінің ұйымдастыруымен “ЖЫЛ МҰҒАЛІМІ- 2016” байқауы болып өтті. Ауданның 10 мектебінен іріктеліп, сайысқа қатынасушы мұғалімдердің 50%ы ағылшын тілі пәнінің мұғалімдері

болды.

Ғ.Мәсәлімов о/м- Сакупова Акжонас / тарих пәні / Алғыс хат

Ж.Мырзағалиев о/м- Айнагул / ағылшын тілі/ Алғыс хат

Аққыстау о/м- Шургеалиева Самал / ағылшын тілі/ III орын

Абай орта мектебі- Дүйсенова Жұмагүл / орыс тілі/ Алғыс хат

Х.Наубетов о/м- Гулден /ағылшын тілі/ II орын

Нарын о/м - Абуова Рысгул /ағылшын тілі/ --Бас жүлде

Исатай о/м- Дүсіпова Гулфайруз /география/ II орын

Гагарин о/м- Нурлан /тарих/ Алғыс хат

Новобогат о/м- Дүйсенова Айнұр /ағылшын тілі/ III орын

Менің сүйікті сыныбым

Айнур — Mon, 11 Apr 2016 20:12:27 GMT

Биылғы 2015-2016 оқу жылынан бастап 8 А сыныбына жетекшілік етіп келемін. Сыныпта 12 оқушы: 6 ұл бала, 6 қыз бала. Сыныптың ұйымшылдығы жоғары, белсенді, қоғамдық шараларға үлкен жауапкершілікпен қарайды. Соның дәлелі ретінде биылғы оқу жылында да көптеген жетістіктерге қол жеткіздік. Тәуелсіздік күніне орай 5-9 сынып оқушылары арасында ұйымдастырылған “Мәңгілік Ел” интеллектуалды ойынында 8 сынып оқушылары 1 орынға ие болды. Ерекше киім үлгісімен, үй тапсырмасына тыңғылықты дайындық үлгісін көрсеткен оқушыларым өздерін жақсы қырынан көрсетті. Сонымен қатар “Наурыз аруы-2016” байқауында да сыныбымыздың өнерлі аруы Жұлдызға қолдау көрсетіп, қазақтың “Селтеткізер” , “Ұйқыашар” секілді салт-дәстүрін насихаттап, белсенділікті ту қылып, кезекті жеңістеріне қол жеткізді.

Мектепішілік, аудандық пәндік шараларға, сыныптан тыс шараларға, ғылыми-әдістемелік бағыттағы сайыстарға т.б шараларға белсене араласып, мектептің намысын қорғап жүрген жан-жақты белсенді шәкірттерімізден алдағы уақытта да күтер үмітіміз көп...

Ақынын ұлықтады

Айнур — Mon, 11 Apr 2016 09:36:33 GMT

Ақынын ұлықтады

Туған жерінің жыр сүйер қауымы көзінің тірісінде-ақ “Нарынның наркескені” деп атаған, қайда жүрсе де қолынан қаламын тастамаған, тіршілікті жыр-дестелерімен кестелеген Нұралы ақын өмірден өтсе де, артында қалған шығармалары оқырманын әлі де сусындатып келеді. Тағдырдың талай сынына тап келсе де, поэзияға деген адалдығынан бір сәтте айнымаған талант иесі биылғы жылы арамызда болса 75 жылдығын тойлаған болар едік. Оқушы шығармашылығын дамыту, талантты және дарынды оқушыларды тану, көркем шығармашылықты насихаттау мақсатында “Жырым менің жанарым- елге қарар” атты поэзия кеші өтті. Поэзия әлемінде өзіндік орны бар Нұралы жырлары кейінгі ұрпақтың жадында екендігі ақынға арналған кештен анық байқалды.

Жыр сүйер жас өрендер ақынды өз көзімен көрмесе де, Атырау топырағында Нұралыдай өр мінезді, жүректі тербейтін сырлы өлеңдері бар ақын өткенін біледі. Ақынның отты жырлары жетерлік. Кеш барысында оқушылар ақын өлеңдерін шабыттана оқып, көңілді сергітті. Поэзияға жаны құмар шәкірттер ақынның жырларын оқумен шектелген жоқ. 2009 жылы ақынның 70 жылдығына арналған аудандық “Нарынның наркескені - Нұралы ақын” атты жас ақындар айтысында “Бас жүлде” иеленген, Республикалық жыр мүшайрасының жеңімпаздары Тілеген Әлидің “Нұралыға арнау”, Хамидолла Абылайдың “Нұралы ақын” сынды балауса жырлары көпшіліктің көңілінен шығып, жас өрендердің поэзияға деген құлшыныныстарын арттырды. Ақынның туғанына 75 жыл толуына орай ұйымдастырылған облыстық деңгейде өткен ақындар айтысында жүлделі II орын иеленген Панабердиев Аманкелдіні кездесу кешіне шақырып, айтыстан алған әсерімен бөлісіп, бейнежазбалары тамашаланды. Шабыт деген сұңқарға мініп, өзіндік жырларымен танылып келе жатқан жас айтыскер ақын Аманкелді де ақынға арнаған өлең шумақтарын оқыды. Сыршыл жүрегі өлең деп соққан ақынның туындылары өміршең дүние. Артында жырын жаттаған текті ұрпағы барда Нұралының есімі әр қазақтың жүрегінде болары сөзсіз.

Айнұр Дүйсенова

Новобогат орта мектебінің тәрбие ісі жөніндегі орынбасары.

Оқытудың жаңаша бағыты

Айнур — Fri, 08 Apr 2016 19:30:43 GMT

Білім беру саласына енгізіліп жатқан көптеген жаңалықтардың ішіндегі өзінің тиімділігін дәлелдеген жобалардың бірі - 7 модульді ықпалдастыра оқыту бағдарламасы. Кембридж университетінің білім беру факультеті мен Назарбаев зияткерлік мектептерінің бірлесіп әзірлеген әдістемесін мектептер тәжірибесіне деңгейлік курстан өткен әріптестеріміз енгізуде. Олар мұғалімдермен 3 айлық курста алған білім, дағдыларымен бөлісуді коучингтер мен тренингтер, шеберлік сағаттары және зерттеушілік сабақтар арқылы бөлісуде. Дәстүрлі оқыту үдерісін өзгертудегі олар әкелген және бір жаңалық – LS сыныпты зерттеу тәсілі. Осы тәсіл арқылы сыныптағы оқытуды жан-жақты зерттеу мұғалімдердің кәсіби өсуіне үлкен ықпал ететіндігін, сол арқылы оқушыларды табысты оқуға жетелейтіндігін тәжірибе дәлелдеуде.

Осы бағытта мектебімізде өткен жоспарлы «Сын тұрғысынан ойлау – дәлелдерді талдау мен бағалау» тақырыбындағы коучингтен (коуч І деңгей мұғалімі Б. Тулеуова) соңғы зерттеу сабақтарын бірлестік мүшелері болып өткізіп көруді қолға алдық. Мектептегі 5 бірлестікте 63 зерттеу сабағы өтіледі деп жоспарланды. Жоспарға сай қазақ, орыс, ағылшын тілдерін оқыту бірлестігі мүшелері бұл жолғы зерттеу сабақтарымызда сын тұрғысынан ойлауға үйрететін «Ойлау бутерброды», «Дананың кілттері», «Екі шындық, бір жалған» тәрізді әдіс- тәсілдерді өз тәжірибемізде сынап, оқушылардың оқуына әсерін бақылауға алынған 3 оқушының мысалында зерттедік.

LS зерттеу сабақтарында оқушылар сыни тұрғыда ойлану, өз пікірін дәлелдей, талдай білу, мұғаліммен, сыныптастарымен емін –еркін қатынас жасау дағдыларын дамытты.

Зерттеуге алынған сыныппен өтілген 15 сабақтың қорытындысын «Ашық есік» күні формасында Ғ. Мәсәлімов мектебіндегі әріптестермен бірлескен оқу сағатында жария еттік. Бұл бас қосуда біз нәтижелі 3 жұмысымызды, 2 қиындық келтірген мәселе мен 1 қызықты болған әрекетті айқындап, алдағы жұмысымызға бағдар жасадық.

«Маған айтсаң ұмытып қаламын, көрсетсең есімде қалар, ал өзім істесем үйреніп аламын» деген шығыс даналығы бүгінгі өзгеріс үстіндегі мектептегі оқу мен оқыту жайына туралап айтылғандай. Бұның айқын дәлелі - деңгейлік бағдарламалардан өткен әріптестеріміздің тәлімгерлігімен курстан өтпеген мектеп мұғалімдерінің де 7 модульді ықпалдастырып оқытуды тәжірибеге батыл енгізе бастауы. Бұл ретте әріптестерім Ш. Имашева, А.Абуғалиева, Д. Жеткінов, Э. Абилова, А. Хаудина сияқты жас ұстаздардың қызығушылығы мен шығармашылық ізденістері қуантады.

Оқытудың бұл технологиясы бізге оқушыларымызға тек теориялық білім беріп қана қоймай, сол білімді өзі ала білуді, шығармашылық ойлауды, өзара қарым - қатынас мәдениетін де қалыптастыру жолдарын үйретуде.

Дүйсенова Айнұр

Новобогат орта мектебінің ағылшын тілі пәні мұғалімі